ЕКИПА во Љубљана,
Катерина Павлова Николовска, Никола Ѓуровски
Македонските одбојкарски репрезентативци ќе бидат во неизвесност до доцна вечер се до завршувањето на последниот натпревар од групата Ц во прелиминарниот сегмент од Еврoпското првненство во Љубљана. Осминафинале или крај на шампионатот, тоа зависи единствено од исходот на пресметката меѓу селекциите на Турција и на Финска.
Со огледа на вчерашната победа на Турција над Белорусија, нам сега ние е потребно Финска да не победи. Само така нашите одбојкари ќе патуваат за Франција како дел од шеснаесетте најдобри селекции на првенството.
Она што не оди во наша корист е дека Турција е веќе пласирана преку третата позиција во групата и нема силен мотив за борба за разлика од Финците на кои им е неопходна победата за прогрес во осминафиналето.
На Финска ќе и биде доволна било каква победа, па и во пет сета. Тоа затоа што во моментов има четири бода, дури и да освои само два, ќе биде формиран круг од три репрезентации со по шест бода во кој македонската селекција има најслаб количник на сетови и најлоша поен разлика. Дополнително што има порази и од Финска и од Турција од почетокот на првенството.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
