Македонските одбојкарки денеска во Солун ќе го одиграат вториот натпревар од квалификациите за Европското првенство 2026.
Противник на избраничките на селекторот Стефан Пауновиќ e селекцијата на Грција која во денешниот дуел влегува со победа во три сета над Австрија, која, пак, беше поуспешна од нас пред осум дена во Скопје со истиот резултат.
Тоа зборува доволно за квалитетот на репрезентациите во групата Ф, поради што Македонија може да одигра без поголемо резултатско оптоварување, а со тоа да покаже дека напредува секоја година со оглед на зголемените активности и на долгите периоди за работа на националниот состав.
Натпреварот Грција – Македонија се игра од 19:30 часот во спортскиот центар „Микра“ во Солун.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
