Одбојкарките на Работнички Скопје ја одбранија минатогодишната двојна круна. По освоениот трофеј во Купот на Македонија, денеска Работнички доминантно дојде и до шампионскиот трофеј во шампионатот откако во финалната серија од разигрувањето, најдобрата екипа кај нас сезонава беше поуспешна од Јанта волеј со 3-1 во победи.
Во денешниот четврти натпревар од финалната серија, Работнички Скопје на теренот на Јанта волеј славеше ппет сета со 20-25, 17-25, 25-19, 25-19, 5-15.
Избраничките на Душко Деспотовски одиграа одличен натпревар, иако наидоа на навистина жесток отпор од одбојкарките на Јанта волеј кои и по негатива од 2-0 во сетови, не се откажаа, за да Работнички сепак на крај дојде до убедливи 15-5 во петтиот сет.
Најуспешна кај Работнички беше Стојанова со 21 поен до победа и до 16-та титула на Работнички на домашната сцена, која годинава беше зачинета и со 14-тиот трофеј во Купот на Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
