Репрезентативецот на Швајцарија, Џибрил Соу, не крие дека заедно со своите соиграчи од националниот тим е максимално мотивиран за добра игра и победа над Србија.
Швајцарците не смеат да си дозволат пораз, но Сов верува дека исто како и пред четири години неговата репрезентација ќе стигне до посакуваниот резултат против Србите.
„Многу работи се сменија во споредба со Русија пред четири години. Ова се некои нови тимови со многу нови играчи, така што мислам дека нема да биде толку емотивно како минатиот натпревар. Србија навистина има добра офанзивна линија. За двете екипи ова е многу важен натпревар. Нема да калкулираме, ќе одиме на победа“, изјави Соу.
Натпреварот меѓу Србија и Швајцарија ќе се игра вечерва со почеток во 20 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
