Македонија е поразена од Грција во квалификациите за Европското првенство во одбојка. Вечерва во СЦ Јане Сандански, гостите славеа со 1-3, откако го загубија првиот сет, и славеа победа со пресврт.
Македонија одлично стартуваше, ја имаа контролата на играта и на резултатот. Грција никако не успеваше да фати приклучок, па така првиот сет и припадна на Македонија 25-15.
Вториот сет почна поен за поен, а првата поизразита разлика Грција ја направи кога поведе со 7-11. Потоа стигна и до 9-15, предност од која Македонија не успеа да се врати, за 25-18 за јужниот сосед.
Третиот сет Македонија го почна одлично. Поведе со 2-0, па водеше и со 4-3, 6-5. Се чини клучната разлика се случи кога Македонија застана на седум поени, а потоа четири поени на Грците за 7-11. Македонија колку и да се обидуваше, сепак, не успеа да направи нешто повеќе, и го загуби мечот.
Македонија со тоа остана на една победа против Грузија на гостински терен. Следен меч е јуни 2025 година кога играме дома со Грузија, а квалификациите завршуваат на 13 август со гостување во Грција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
