Одличен прв дел: Елмас и Манев ја носат Македонија пред триумф против Малта (ВИДЕО)

ЕКИПА во Малта
Горан Бошев

Македонската фудбалска репрезентација има одличен резултат на гостувањето кај Малта по првиот дел. 0-2 е за македонските фудбалери, со головите на Елмас и на Манев. Македонија ги искористи своите шанси, и да дојде до позитива од 0-2, и со тоа и на чекор до победата и до трите бода во квалификациите.

Елмас уште во 5. минута го отвори резултатот. Загубена топка на Малтежаните на средината, потоа Алиоски до Барди, а овој до Елмас, кој се „прошета“ во шеснаесетникот, и стрела прецизно во голот. 

После голот Македонија свесно или не ја препушти иницијативата на противникот. Но, нашата репрезентација одлично функционираше во одбрана, особно Ѓоко Зајков кој спасуваше после неколку опасни нафрлувања во шеснасетникот.

Како одминуваше крајот на полувремето, Македонија го презеде поседот, а потоа дојде и до втор гол. Барди најпрво во 40. минута од слободен удар на петерецот, каде интервенираше Нвоко во корнер. А од изведедниот корнер нова радост за Македонија. Барди нафрли до Јован Манев, кој со глава го „матира“ Бонело и Македонија поведе со 0-2 пред паузата.

До крајот на првиот дел шанса за Македонија од слободен удар, шутираше под живиот ѕид, но на самата гол линија интервенираше Бонело и ја остави Малта во „живот“ на овој натпревар.