Играчот од средниот ред на Рома, Едоардо Бове, е блиску до продолжување на кариерата откако доживеа срцев удар за време на натпревар од Серија А минатата година, објави „Скај Спорт Италија“.
Според изворот, тестовите на Бове покажуваат дека тој целосно се опоравил и треба да се врати на теренот од сезоната 2025/26. Самиот 23-годишен Италијанец е подготвен да ја продолжи својата професионална кариера.
На 1 декември, додека играше на позајмица за Фиорентина , Бове ја изгуби свеста и падна на теренот откако доживеа срцев удар. На играчот потоа му беше поставен дефибрилатор. Договорот на играчот од средниот ред со Рома е до 30 јуни 2028 година, а неговата позајмица кај „виолетовите“ истекува на крајот од овој месец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
