Сите македонски ракометни репрезентативци и членови на стручниот штаб се негативни и на денешното второ тестирање на коронавирус, на шест дена до почетокот на ЕП 2022.
Во таборот на „црвено-жолтите“ владееше мала тензија откако тројца израелски ракометари добија позитивни резултати нецели 24 часа по одигрувањето на првиот меч меѓу двете селекции. Вториот натпревар експресно беше откажан, а денеска беше извршено ново тестирање кое мина перфектно за нашиот национален тим.
За понеделник е закажано и последното тестирање пред заминувањето за Дебрецин, каде македонската експедиција ќе отпатува со чартер лет во вторник.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
