Натпреварот од 23. коло на Ла Лига помеѓу Рајо Ваљекано и Овиедо е одложен поради лошата состојба на теренот во предградието на Мадрид, потврди лигата.
Тревната површина на стадионот „Ваљекас“ долго време беше голем проблем за клубот, кој оттогаш постави нова. Сепак, лошите временски услови од претходните денови и дождот придонесоа до фактот дека до времето на натпреварот со Овиедо, новата подлога не беше подготвена според највисоките стандарди, па супервизорите на Ла Лига конечно проценија дека натпреварот не може да се игра на таков терен.
„За да се „зачува физичкиот интегритет на играчите“, Ла Лига одлучи да го суспендира натпреварот од 23-то коло помеѓу Рајо Ваљекано и Реал Овиедо, закажан за оваа сабота, 7 февруари во 14 часот на стадионот Ваљекас“, објави Ла лига.
Одлуката е донесена откако беше утврдено дека игралиштето „моментално не ги исполнува потребните безбедносни услови за играње на натпреварот“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
