Натпреварот меѓу Марсеј и Лион, кој претходно беше одложен кога навивачите го каменуваа клупскиот автобус на Лион, ќе се одигра на 6. декември во Марсеј.
Датумот беше познат и претходно, но не и местото на одржување, што доведе до затегнати односи меѓу двата клуба. Натпреварот требаше да се одигра на 29. октомври во Марсеј, но навивачите на домашниот Олимпик го каменуваа автобусот кој ги превезуваше играчите и стручниот штаб на Лион до стадионот „Велодром“.
Во инцидентот повреден беше тренерот на Лион, Фабио Гросо, кој се здоби со исеченици на лицето, поради што натпреварот беше одложен. Натпреварувачката комисија утврди дека натпреварот ќе се игра на „Велодром“, „врз основа на информации и гаранции“ од надлежните.
Дисциплинската комисија во средата соопшти дека нема да поведе дисциплинска постапка за инцидентот, бидејќи сето тоа се случило „на јавните патишта“.
Лион најави дека ќе се жали на одлуката и изјави дека таа недвосмислено укажува дека Лигата се ослободува од одговорност. Лион апелираше дека „овие неприфатливи настани не остануваат без одговор“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
