ОФИЦИЈАЛЕН ИЗВЕШТАЈ: ВАР најмногу им помогнал на Барса и Атлетико, а „кралевите“ се најоштетени

Шпанскиот фудбал повторно е во центарот на контроверзии откако Техничкиот комитет на судиите (CTA) на Кралската шпанска фудбалска федерација (RFEF) официјално призна дека во анализата на 51 спорна ситуација од првите 18 кола на Ла Лига биле евидентирани 10 грешки во одлуките на теренот или преку ВАР системот.

Оваа анализа е дел од новиот формат „Tiempo de Revisión“ (Време за ревизија), воведен оваа сезона за поголема транспарентност, каде што независен панел од поранешни тренери и играчи (меѓу кои Фернандо Мориентес) ги селектира ситуациите, а CTA дава конечна оценка. Според извештајот, Атлетико Мадрид е тимот кој најмногу профитирал од овие грешки, со две признати ситуации во нивна корист: офсајд позиција на Џулијано Симеоне во голот против Алавес (каде што ВАР погрешно проверил само рака, а не офсајд) и недоделена црвена картон на Коке за груб старт врз голманот на Рајо Ваљекано. Барселона исто така има една призната грешка во своја корист – недоделен прекршок за безбедносни причини врз играч на Мајорка (Раиљо), што индиректно довело до гол. Од друга страна, Реал Мадрид е меѓу најпогодените тимови, со признаена грешка во ситуацијата со црвениот картон на Дин Хујсен против Реал Сосиедад (требало да биде само жолт). Други погодени тимови се Рајо Ваљекано (со две грешки против нив), Еспањол, Селта, Атлетик Билбао, Мајорка и Алавес. Ова признание предизвика остри реакции кај навивачите, аналитичарите и клубовите. Навивачите на Реал Мадрид, кои долго време изразуваат незадоволство од судењето, сега добиваат дополнителен аргумент за нееднаквост во третманот.

Од CTA истакнуваат дека целта на анализата е подобрување на системот и намалување на идните грешки, но критичарите сметаат дека признанијата доаѓаат предоцна и без реални последици. ВАР беше воведен за да ги минимизира судиските грешки, но ваквите извештаи повторно фрлаат сенка врз неговата ефикасност и врз регуларноста на шампионатот. Дебатата за судењето во Ла Лига продолжува да гори, особено во борбата за титулата каде што секој бод е клучен.