Сега и официјално. Македонскиот кошаркар Ненад Димитријевиќ е нов член на Баерн Минхен. 27-годишниот кошаркар доаѓа во редовите на германскиот тим од Зенит, каде настапуваше досега.
Тој веќе има искуство со играње во Евролигата, откако настапуваше за Олимпија Милано. Потпиша договор со Баерн до крајот на сезоната, со опција за продолжување на уште една година.
„Со Нено, го прошируваме нашиот состав на позиција каде што претрпевме неколку повреди и откако Спенсер не можеше да се врати“, објасни спортскиот директор Драган Тарлач за овој трансфер.
„Како најкорисен играч во ВТБ лигата, со неговите години на развој во силната шпанска АЦБ и неговата сезона во Милано, тој носи богатство од искуство во нашата ротација на бекови, покрај неговата динамичност и моќ. Тој има многу енергија, дефанзивни вештини и во нападот, способност да наметнува решенија, за себе или за другите – ова се силните страни на кои со нетрпение очекуваме.“
Димитријевиќ истакна задоволство од трансферот.
„Баерн Минхен е одличен тим и многу почитуван, па кога искусен тренер како Пешиќ ќе ве посака во своите редови, тоа е чест“, изјави Димитријевиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
