Роберт Левандовски и официјално стана нов фудбалер на Барселона, откако каталонската гордост објави денеска дека е договорен трансферот со Баерн Минхен и формалното претставување и потпушување на договорот ќе биде веднаш по комплетирањето на лекарските прегледи.
Левандовски треба да потпише четиригодишен договор, а Баерн ќе добие вкупно 50 милиони евра за трансферот, 45 милиони веднаш и пет милиони варијабилни во бонуси.
Левандовски доаѓа во Барса после осум години во дресот на баварскиот великан со кој освои сѐ што можеше да се освои, а двапати ја освои и наградата на ФИФА, „Бест“ за најдобар светски фудбалер (2020 и 2021 година).
Agreement in principle for the transfer of Robert Lewandowski
🔗 https://t.co/quEclaHkdl https://t.co/YTCRbaW173
— FC Barcelona (@FCBarcelona) July 16, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
