Ливерпул го комплетираше првиот трансфер за наредната натпреварувачка сезона потпишувајќи договор со Ибрахим Конате. Францускиот 22-годишен дефанзивец пристигнува од редовите на Лајпциг, германскиот клуб не сакаше да го продаде Конате, но Ливерпул плати 40 милиони евра и ја активираше клаузулата за ззмаинување на Французинот од оваа екипа.
Во ситуација кога „црвените“ цела сезона се мачеа по повредите на неколку клучни дефанзивци, овој трансфер е јасен знак дека Клоп планира дополнително да ја засили одбраната за наредната сезона.
„Пресреќен сум што доаѓам во толку голем клуб како што е Ливерпул. Ова е извореден момент за мене и за моето семејсство, едвај чекам да се запознаам со соиграчите и да почнам со новото поглавје во кариерата. Сепак, моментно мој фокус е настапот за Франција на младинскиот европски шампионат“, изјави Конате.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
