Лоренцо Браун потпиша повеќегодишен договор со Олимпија Милано, потврди италијанскиот клуб.
Браун го напушти Панатинаикос, за кого минатата сезона во Евролигата имаше просек од 6,3 поени, 2,7 асистенции и два скока по натпревар.
„Благодарен сум и почестен што ми се укажа можноста да го облечам дресот на Олимпија Милано. Возбуден сум што ќе играм со одлични соиграчи и ќе се натпреварувам на највисоко ниво. Уверен сум дека ќе имаме одлична сезона, имајќи ги предвид промените во тимот и играчите кои останаа од минатата година. Целта во Евролигата е да стигнеме до плеј-офот“, изјави Браун.
Шпанскиот репрезентативец во текот на својата кариера настапуваше за Макаби, Уникс, Фенербахче, Црвена Звезда, Торонто, Феникс, Минесота и Филаделфија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
