Српскиот кошаркар Марко Гудуриќ е нов играч на Олимпија Милано, италијанскиот клуб го официјализираше тоа.
Гудуриќ потпиша повеќегодишен договор со клубот, откако претходно ја освои Евролигата со Фенербахче.
30-годишниот бек (199 см) беше еден од клучните играчи на тимот од Истанбул на фајналфорот во Берлин, особено во финалниот натпревар против Монако, каде што забележа 19 поени (4/5 за два, 3/5 за три, 2/2 слободни фрлања), шест скока, пет асистенции и имаше индекс на корисност од 27. Тој ја погоди и одлучувачката тројка за конечни 74:64, малку повеќе од една минута пред крајот.
Гудуриќ минатата сезона одигра 36 натпревари во Евролигата, со просек од 10,9 поени, 3,1 асистенции и речиси 90 проценти успешност од линијата за слободни фрлања. Тој помина седум сезони во дресот на Фенербахче (2017–2019; 2020–2025), освои четири титули во турското првенство и три Купа, а во 2018 година играше и во финалето на Евролигата против Реал Мадрид.
Со вкупно 2.298 поени, Гудуриќ е вториот најдобар стрелец на Фенербахче во историјата на Евролигата. Вкупно, тој одигра 285 натпревари за Фенербахче и Црвена Звезда во елитното европско натпреварување, со 2.712 поени, 640 скока и 695 асистенции.
WELCOME MARKO 🩶❤️
🗣️ “Sono felice dell’opportunità di cominciare un nuovo capitolo della mia carriera e di poterlo fare in un club leggendario, di cui ho sentito parlare solo in termini eccellenti. Non vedo l’ora di indossare la maglia rossa dell’Olimpia davanti ai nostri tifosi… pic.twitter.com/9FMUMVYpFc— Olimpia Milano (@OlimpiaMI1936) July 2, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
