Српскиот плејмејкер Никола Топиќ се врати во Црвена звезда од позајмица од Мега. Првичната вест беше потврдена на новогодишниот коктел на тимот од Мал Калемегдан во „Краун Плаза“, каде се појави и Топиќ.
Набрзо потоа и клубот на социјалните мрежи го потврди враќањето на Никола Топиќ. Звезда во јули го испрати Топиќ во Мега за да има поголема минутажа за стекнување искуство, а по Милош Теодосиќ, во Црвена звезда на плејмејкерска позиција пристигнаа и Шабаз Неипир и Јаго дос Сантос.
Сепак, Дос Сантос не ги оправда очекувањата на резервен плејмејкер, додека поранешниот НБА играч Напиер, кој неодамна го напушти клубот, беше уште поголемо разочарување.
Во меѓувреме, Топиќ блескаше во дресот на Мега со просечни 18,6 поени со 6,9 асистенции и 3,7 скока по натпревар во АБА лигата. Тој привлече големо внимание од НБА скаутите кои прогнозираат дека би можел да биде топ 10 пик на следниот драфт.
Zvezdino dete se vraća kući!
To je TOP!Welcome back home, Nikola 🔴⚪️❤️@MilosTeodosic4 🙌🏼#kkcz #WeAreTheTeam pic.twitter.com/Ykfvu4WhI6
— KK Crvena zvezda Meridianbet (@kkcrvenazvezda) December 26, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
