Серхио Рамос е нов фудбалер на Пари Сен Жермен, потврдија повеќе европски извори. Доскорешниот капитен на Реал Мадрид како слободен играч ќе премине во Париз каде ќе потпише двегодишен договор.
Со доаѓањето на Рамос, ПСЖ и дефинитивно ќе биде прв фаворит за освојување на титулата во Лигата на шампионите, бидејќи по се изгледа ќе успеат да ги задржат и Нејмар и Килијан Мбапе, а во тимот веќе ги доведоа и Џанлуиџи Донарума, Џорџино Вајналдум и Ашраф Хакими.
Серхио Рамос на „Сантијаго Бернабеу“ помина 16 години во кои со „кралевите“ успеа дури четири пати да ја освои Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
