Лучијано Спалети и официјално е именуван за нов тренер на Наполи на местото на Џенаро Гатузо. Она што беше најавено претходните денови, сега доби и официјална потврда.
Наполи објави дека Лучијано Спалети е нивниот нов тренер. Тој ќе ја преземе екипата од Гатузо, кој го напушти клубот на крајот на сезоната, во која „наполитанците“ не успеаја да обезбедат пласман во Лигата на шампионите со неочекуваното реми на домашен терен во последното коло птоѕив тимот на Верона (1-1).
Лучијано Спалети е еден од најценетите тренери во Италија. Тој има 62 години, а досега бил тренер на бројни клубови на Апенинскиот полуостров. Меѓу другите, Сампдорија, Удинезе, Рома и Интер. Тој беше и тренер на руски Зенит.
✍ | Welcome to our new coach, Luciano Spalletti!
? #ForzaNapoliSempre pic.twitter.com/ScvAgtUSg6
— Official SSC Napoli (@en_sscnapoli) May 29, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
