Екипата на Охрид е есенски шампион во Втората македонска фудбалска лига, откако во последното 15. коло од првиот дел од сезоната триумфираше на гостувањето против Виница со 0-2.
На тој начин, охриѓани завршија на врвот од табелата оставајќи ги во „сенка“ и Шкендија Арачиново и Брегалница кои во поголемиот дел од есенската полусезона беа на водечките позиции.
Стрелци на головите за екипата на Охрид Лихнидос на гостувањето во Виница беа Албнор Каба и Андреј Ристовски.
Во вториот денешен дуел Големо Коњари и Тетекс одиграа 2-6.
Охрид ја финишираше есенва со 36 поени, Шкендија Арачиново со 35, додека пак Брегалница со 33 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
