Охрид продолжува со формирање на тимот за наредната сезона, официјализирајќи ги првите засилувања кои би требале да бидат клучни играчи во екипата што ќе ја предводи новиот тренер Борис Ројевиќ.
Откако вчера беше официјално потпишан договорот со Србинот Вејин, денеска е официјално потврден уште еден трансфер откако договорот со охриѓани го потпиша и словенечкиот интернационалец Тилен Стрмљан. Словенечкиот бек доаѓа од тимот на Хановер, договорот му истекува на крајот од сезонава, по што тој следните две години ќе ги мине во дресот на охридските „гладијатори“.
„Тилен Стрмлјан е новото засилување за ГРК Охрид од сезона 2025/2026! Тилен “гладијатор” миниум 2 години! Средниот бек на Словенија е моментално на првото место со неговата екипа Хановер Бургдорф во најдобрата лига на светот – Бундес лигата. Тилен има 29 години и освен добрите настапи во ЕХФ Европската лига со екипата на Хановер, имаше и одлични настапи во Лигата на шампионите со екипата на Цеље. Пред тоа настапуваше и за екипата на Рико Рибница од Словенија. Има преку 30 настапи за репрезентацијата на Словенија во младинските и сениорските натпреварувања“, објави РК Охрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
