Охрид составува сериозна екипа за наредната натпреварувачка сезона откако „сино-белите“ денеска го официјализираа доаѓањето на четири нови ракометари, и тоа сите домашни играчи кои ќе бидат од голема помош за остварување на целиот во новиот шампионат. Голманот Даниел Ѓорѓески по авантурата во Унгарија се враќа во мак-ракометот потпишувајќи за Охрид, а заедно со одличниот чувар на мрежата доаѓаат и три засилувања од Битола, Гоце Ојлески и Милорад Кукоски кои си заминаа од шампионот Еурофарм Пелистер, како и десното крило од Еурофарм Пелистер 2, Никола Стоилевски.
„Среќен сум што се враќам назад во Македонија и посебна чест ми е што ќе бидам дел од ваков одличен проект и тим како што е Охрид. Охрид е сериозна екипа со големи амбиции, а јас се надевам дека оваа сезона ќе ги исполниме сите цели и сите заедно ќе се радуваме на многу победи.” – изјави Ѓорѓески по потписот на договорот со охриѓани.
„Драго ми е што ќе сум дел од ракометниот клуб Охрид, клуб кој што покажува сериозност и квалитет во македонскиот ракомет. Се надевам следната сезона ќе ни биде успешна и ќе славиме многу победи“, додаде искусниот Гоце Ојлески.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
