Ракометарите на Охрид апсолутно без никакви проблеми ја запишаа и 14-та победа сезонава во Суперлигата на Македонија. Охриѓани очекувано убедливо славеа со 14-37 на гостувањето против Радовиш.
Па, Охрид на паузата заминува на делба на третата позиција на табелата, со 29 бода, колку што има Алкалоид, а зад Вардар и Е. Пелистер.
Уште од самиот почеток беше јасно кој е кој на дуелот, па гостите на пауза заминаа со 7-15. Второто полувреме беше само рутина за конечна победа.
Лиапис и Кукуловски со по седум гола беа најдобрите во победничкиот тим, а Трајанов заврши со четири погодоци кај домашните.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
