Паралелно со изградбата на новата трибина, охридскиот стадион кој е дел од СРЦ „Билјанини Извори“ ќе добие и најсовремен систем за наводнување, со што ќе се подобрат тревникот и условите за тренинг и натпревари, информираат од Јавното претпријатие „Билјанини Извори“.
Новиот систем, за кој веќе стартуваа активностите, е донација од Фудбалската федерација на Македонија со која ЈП „Билјанини Извори“ има успешна соработка.
„Со особено задоволство ја известуваме Охридската јавност дека ЈП “Билјанини Извори” и Фудбалката федерација на Република Северна Македонија со нов проект ја продолжуваат започнатата успешна соработка во интерес на Охридскиот фудбал. Со новиот проект ФФМ на фудбалскиот терен на Градскиот стадион “Билјанини Извори” ќе инсталира најсовремен систем за автоматско наводнување. За таа намена до 3 април ќе бидат инсталирани 33 прскалки со сонда за влажност на почвата. Новиот најсовремен систем за наводнување ќе придонесе кон зголемувањето на квалитетот на самиот фудбалски терен и секако ќе придонеси и во насока на намалување на потрошувачката на вода. Поради горенаведеното ЈП “Билјанини Извори” до 3 април го затвора привремено градскиот стадион за сите нејзини фудбалски корисници. ЈП “Билјанини Извори” и се заблагодарува на ФФМ за континуираната поддршка во осовремувањето, реконструирањето и изградбата на градскиот стадион “Билјанини Извори”“ – информираат од ЈП „Билјанини извори“ од Охрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
