Охрид донесе ново засилување во своите редови откако суперлигашот денеска го официјализираше пристигнувањето на Игор Чагаљ. Станува збор за српски ракометар висок 200 сантиметри кој настапува на позицијата пивот, а покрај тоа го одликува и добра игра во одбраната.
Чагаљ доаѓа во Охрид од редовите на Металопластика, кариерата ја има почнато во Пролетер, а кратко време минал и играјќи во Словенија и во Германија.
Инаку, раководството на Охрид денеска објави и дека клубот нема да аплицира за вајлд-карта во Лигата на Европа и дека погледите во новата сезона ќе бидат насочени исклучиво на настапите на македонската ракометна сцена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
