Фудбалерите на Охрид со триумф ги завршија мечевите од есенската полусезона во Втората лига – Запад, славејќи на домашен терен со 3-2 (2-0) против Кадино во натпревар кој беше во знакот на хуманоста.
Охриѓани играа и победија како подадена рака за Трајан Целески-Тачо на кого му се потребни финансиски средства за нова победа во битката со тешката болест. Целески пред со избори со туморот на мозокот, но сега повторно за жал го очекува борбата со оваа болест. Од клубот одлучија сите средства од билетите да бидат донирани, а и самите фудбалери ќе донираат одредена сума за лекувањето на Тачо.
Охрид до победата дојде со головите на Никола Секулоски во 12. минута и Александар Ѓорѓиески во 38. и 66. минута. Стрелци за Кадино беа Ачески во 51. минута и Трипуноски во 71. минута.
„Рибарите“ со трите бода од денешниот дуел со Кадино се одлепија од дното и на претпоследната позиција на табелата ќе презимат во второлигашката конкуренција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
