Ракометарите на Работник со очајно издание ги разочараа своите навивачи на првиот домашен натпревар од ЕХФ Купот, губејќи од унгарска Татабања со двоцифрена разлика.
„Цела недела се подготвувавме, а на крајот како да немавме желба кога излеговме на теренот, што е недозволиво. Немавме течна игра, а со такво издание не може да се надевате на успех. Се што можеме е да им се извиниме на битолските навивачи кои дојдоа да ни дадат поддршка, а си заминаа разочарани“ – изјави искусниот Гоце Ојлески.
Разочарувањето од очајното издание на македонскиот претставник не го криеше ниту тренерот Ѓорѓе Чирковиќ.
„Прв пат ми се случува вака посрамотен да се појавам на прес-конференција. Игравме без жар, без влја за победа, а јас не сакам да работам со екипа со ваков пристап. Во 27 години колку што сум во ракометот, ваков пораз немам доживеано“ – истакна Чирковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
