Францускиот Формула 1 возач Естебан Окон најави заминување од Алпин на крајот на актуелната сезона која воедно е и сезона за заборав за овој француски тим.
2024 година воопшто не му прилега на Алпин кој знаеше да изненади минатите сезони. Кулминацијата беше достигната на Големата награда на Монте Карло каде Окон предизвика судар со клупскиот колега Пјер Гасли по што постоеше и можност тој да биде заменет за следната трка.
До истото се чини дека нема да дојде, но по пет години поминати со тимот овој 27-годишник дефинитивно нема да биде дел од францускиот тим во 2025 година.
„Да се тркам за овој Формула 1 тим е битен дел од мојот живот. Пет години сум тука како професионалец, а кариерата ни започна во Енстон кога бев тинејџер и тоа е посеобно место за мене. Имавме добри моменти заедно, имавме и тешки, но сигурно сум благодарен на тие момент“, напиша Окон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
