Коронавирусот ги донесе и првите посериозни проблеми за организаторите на ЗОИ во Пекинг, откако женската репрезентација на Канада во хокеј на мраз одби да излезе и да настапи против селекцијата на Русија.
Причина, доцнењето на резултатите на тестовите врз руските хокеарки, поради што Канаѓанките не сакаа да го ризикуваат своето здравје излегувајќи на мразот, уште повеќе ако се знае дека Русија во изминатата седмица имаше шест позитивни хокеарки непосредно пред почетокот на ЗОИ.
По долго убедување, на крајот беше најден компромис, Канаѓанките се согласија да го играат мечот, но под специјални услови, со тоа што сите хокеарки на двете селекции носеа маски на лицата под задолжителната заштитна хокеј-опрема. Дуелот заврши со доминација на Канада и убедлива победа од 6-1, но конечниот резултат остана во сенка на ковид-фијаското на организаторите и доцнењето на резултатите од тестирањето на руската репрезентација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
