Претседателот на ФФМ Масар Омерагиќ, даде свое видување околу коментарот на поранешниот селектор Игор Ангеловски по вчерашната промоција на Гоце Седлоски за селектор на Македонија.
Омерагиќ призна дека и Ангеловски бил меѓу кандидатите за селектор, но и дека е нејасно зошто ваква реакција откако и тој самиот му кажал дека ќe ја поддржи секоја одлука.
„Имавме убава прес-конференција и коректно помина таа промоција на Седлоски, затоа што репрезентацијата не е наша или ваша, туку на целата држава. Човечки е да се даде поддршка на тој што е избран. Претпоставувам дека сакаше Ангеловски да се стави во преден план, односно своите амбиции иако е дискутабилно како ги добил лиценците. Вели дека сме ги исполниле личните интереси, па сакам да каже кои се тие лични наши интереси? Некоректно е веднаш после промоцијата да дава коментари, но тоа кажува за човекот сам за себе. Би му посакал подобро ментално здравје и да поработи на тренерскиот занает затоа што последните ангажмани му траат колку јогурт во супермаркет. Му се јавив и му кажав дека тој е еден од кандидатите и отворено му кажав дека изборот е меѓу него и Седлоски. Размислувавме дали да се вратиме како што било или ќе тргнеме по друг пат. Тој ми кажа дека ќе ја почитува секоја одлука за селектор. Убаво е што живее во минатото, но треба да се гледа во реалноста“, рече Омерагиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
