Напаѓачот на Галатасарај, Виктор Осимен, го постигна решавачкиот гол против Јувентус, но не го прослави голот со кој неговиот тим се пласираше во осминафиналето од Лигата на шампионите. Јувентус победи со 3-2, но Галатасарај се пласираше понатаму со вкупен резултат од 7-5.
Иако „бјанконерите“ водеа со 3-0 на крајот од регуларниот дел и играа со еден играч помалку во текот на второто полувреме, Осимен го постигна решавачкиот гол во продолжението.
Нигерискиот напаѓач објасни дека не сакал да слави од почит кон Лучијано Спалети, тренерот кој одигра важна улога во неговата кариера.
„Немав потреба да славам. Важно беше да покажам почит кон човек кој многу ми значи“, рече Осимен.
Иако беше среќен што напредуваше, призна дека не е импресиониран од играта на својот тим.
„Мора да бидеме искрени, не игравме добро. Јувентус заслужи да победи, но ние сме тие што ќе продолжат понатаму. Ако сакаме да се справиме со најсилните, ќе мора многу да се подобриме“, рече напаѓачот на Галатасарај.
Во осминафиналето, Галата ќе игра против англиски клуб – Ливерпул или Тотенхем.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
