Шкотските фудбалски аналитичари се се повеќе воодушевени од фудбалските перформанси на македонскиот репрезентативец Бојан Миовски кој вчера донесе финале за Абердин во Лига Купот на Шкотска, по победата од 1-0 во Глазгов на „Хемпден парк“ со неговиот извонреден погодок над Хиберниан.
Вистински воодушевувачки е кога ќе се погледне како во финишот на средбата, Миовски истрчува 80 метри од пред својот гол па се до противничкиот шеснаесетник, и на крај со максимална концентрација демонстрира клиничка прецизност за погодок.
„Единствената разлика на мечот меѓу двата тима беше Бојан Миовски. Тој дојде во Абердин и на вистински начин го покажува сиот свој потенцијал. Во финиш на средбата да покажеш еден таков трк и моќ во нозете, а потоа да имаш таква клиничка прецизност во завршница на акција по 80 истрчани метри е навистина неверојатно“ – вели за „Би-би-си“, поранешниот шкотски репрезентативец Џон Колинс.
🎉❤️ What dreams are made of for Aberdeen – the moment Bojan Miovski fired them into the final.
— Football Scotland ⚽️🏴 (@Football_Scot) November 4, 2023
А, според деталната статистика на Шкотите, процентот на реализација на Миовски во Абердин оваа сезона е 17,4%, што е навистина извонредно. Ако се знае дека Абердин без него има само 12,3% реализација.
„Миовски е напаѓач каков ретко Абердин имал досега имал. Тој е со неверојатен допринос за тимот. И не само со головите“ – вели и легендата на Абердин, Вили Милер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
