Јамајканскиот 25-годишен атлетичар Роже Стона, кој беше изненадувачки олимписки шампион во фрлање диск на последните Игри во Париз, се приклучи на програмата дизајнирана да ги тренира идните играчи на НФЛ, објави Националната фудбалска лига (НФЛ).
Стона направи сензација на Олимписките игри кога со фрлање од 70 метри и личен рекорд ги победи сите фаворити, меѓу кои и светскиот рекордер од Литванија, Миколас Алекна. Актуелниот трикратен олимписки победник и светски рекордер во фрлање ѓуле, Американецот Рајан Краузер, го предводеше Стона до олимпиското злато како тренер.
Откако НФЛ тимовите Грин Беј Пекерс и Њу Орлеанс Сејнтс го поканија на нивните мини-кампови во мај оваа година, НФЛ објави дека Стона ќе биде еден од 14. спортисти кои ќе учествуваат во драфт-програмата во 2025 година за играчи кои не се жители на САД или Канада.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
