Таткото на Новак Ѓоковиќ, Срѓан во српска емисија одново говореше за својот син, а овој пат откри и каде тој ќе живее по крајот на богатата кариера во која освои 24 грен-слем титули, а од неодамна и олимпиското злато.
Според таткото на Новак, тој ќе живее во главниот град на Србија, Белград каде ќе добие и свој музеј.
„Што е до мене, тој ја заврши спортската приказна. Ќе игра на уште неколку турнири, но мислам дека докажа дека е најдобар спортист на сите времиња.
Брзо ќе биде изграден и негов музеј во Белград, покрај музејот на Никоа Телса, најголемиот гениј на сите времиња. Моите деца се родија тука и Новак кога ќе ја заврши кариерата ќе живее во својот Белград, во својата Србија“, вели Срѓан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
