Манчестер Сити летово ќе го продава Жоао Кансело. Откако од таборот на Баерн Минхен истакнаа дека нема да го откупат неговиот договор за 70 милиони евра, јасно е дека за Португалецот нема иднина на „Етихад“ и тој ќе мора да си бара нова средина.
Специјалистот за трансфери Фабрицио Романо пишува дека Арсенал е заинтересиран за бекот, и дека летово ќе тргне по неговиот потпис. Се споменува сума од околу 50 милиони евра.
Исто така и Барселона е заинтересирана, но „Каталонците“ ќе мора прво да го решат прашањето околу финансискиот фер-плеј, па потоа да се обидат да го ангажираат.
Кансело е уникат во европските лиги сезонава, затоа што освои медал и од титулата на Сити во Премиерлигата, и од шампионскиот трофеј на Баерн Минхен во Бундеслигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА