Маркус Рашфорд е на излезна врата од Манчестер Јунајтед, одличниот голгетер наскоро ќе донесе конечна одлука за иднината, а последните информации говорат дека Рашфорд е подготвен да изненади многумина и кариерата да ја продолжи во Бундес-лигата.
Борусија Дортмунд е клубот што последен се вклучи во трката по напаѓачот, но сега е лидер во трката за услугите на Рашфорд. Лигата можеби не делува премногу атрактивно, но голгетерот слушна само пофални зборови за клубот од доскорешниот соиграч Џејдон Санчо. Впрочем, Санчо лани се наоѓаше во слична позиција како сега Рашфорд, замина на шестмесечна позајмица во Дортмунд и се врати во натпреварувачки ритам.
Маркус сега ќе се обиде да го стори истото и верува дека Борусија е вистинскиот клуб за такво нешто. Останува потешкиот дел од задачата – клубовите да најдат заеднички јазик, ако се знае дека Борусија е подготвена само да плати минимална сума за позајмица, но и ќе инсистира Јунајтед да покрие половина од платата на Рашфорд, како што тоа беше случај лани со Санчо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
