Најдобриот стрелец на сите времиња во Англија со 69 гола на 103 натпревари, Хари Кејн можеби е при крај на својата репрезентативна кариера, смета Пол Сколс.
Иако Кејн на 31-годишна возраст игра брилијантно за Баерн Минхен (17 гола и 9 асистенции на 16 натпревари), Сколс верува дека уште долго нема да биде стандарден репрезентативец.
На последниот собир Кејн одигра 24 минути против Грција и цел натпревар против Ирска каде постигна гол од пенал.
„Ми изгледаше како ова да е крајот на Хари Кејн. Изгледаше како да не припаѓа во тимот. Кога ќе остариш, чувствуваш дека сè околу тебе се случува побрзо, и така ми изгледаше. Не знам кој ќе го замени“, изјави легендата на Јунајтед по натпреварот со Ирска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
