Со денешното последно коло од квалификациите веќе и официјално се познати сите 16 селекции учеснички на претстојното ракометно европско првенство за жени, што од 4 до 20 ноември ќе се игра во Македонија, Словенија и во Црна Гора.
Ждрепката е закажана за 28 април, а денеска и официјално е познат и изгледот на шеширите, како и потенцијалните ривали на Македонија на овој шампионат. Она што веќе се знае е дека нашата селекција ќе биде дел од групата Ц што ќе се игра во Скопје, а во ждрепката ќе биде сместена во третиот шешир заедно со Словенија, Хрватска и со Германија, ривали што избраничките на Савевски нема да можат да ги добијат во групата.
Црна Гора ќе биде домаќин на групата во Подгорица, додека Унгарија веќе е избрана за да се натпреварува во групата во Љубљана, па од вториот шешир Македонија може да ги добие Полска или Шведска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
