Панатинаикос му го одзеде сезонскиот билет на еден од своите навивачи и му забрани доживотно влез во популарната арена „ОАКА“. Причина за такво нешто се вербалните навреди кон судиите на натпреварот од Евролигата меѓу зелените од Атина и Фенербахче. По едно предупредување, откако продолжил со вербални навреди, навивачот бил изнесен од салата од обезбедувањето.
Идентично сценарио се случи пред само два месеци во Пиреја. Еден од навивачите на Олимпијакос расистички го малтретирал судијата Џозеф Бисанг. Поради навремената реакција, Евролигата реши да не го казни Олимпијакос со меч пред празни трибини. Со оглед на тоа што и Панатинаикос навремено реагираше, се очекува и тие да поминат без дополнителна суспензија.
„Панатинаикос секогаш е против каква било форма на насилство на натпреварите и мислиме дека тоа го покажавме неколку пати. Атмосферата која ја создадоа навивачите во ОАКА е феноменална. Нема да дозволиме една личност да ја уништи големата слика што ја испраќаме во светот“, стои во соопштението од клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
