На изненадување на сите, Панатинаикос беше поразен од Париз во Франција, во третото коло од Евролигата, а тимот од Атина не беше задоволен од арбитражата на натпреварот.
Христос Серелис, помошник тренер на Ергин Атаман, откри дека ПАО подготвува жалба за судењето во главниот град на Франција.
На крајот од натпреварот, кога при 3:42 Париз водеше со 75:68, судиите решија да му дадат техничка грешка на тренерот на Панатинаикос, Ергин Атаман. Потоа Кендрик Нан доби неспортски фаул.
Жалбата на Панатинаикос е дека требаше да има прекин, но часовникот продолжи да тече, поради што Панатинаикос смета дека жалбата е оправдана.
„Честитки за Париз. По толку години, ова е прв пат да го гледам ова во Евролигата. Одиграа многу брз натпревар. Трчаа со топката и шутираа за само 5-6 секунди. А во одбраната беа многу агресивни. Не го видов видеото и не можам да кажам ништо за конкретните постапки, но моите играчи имаа многу жалби за одлуките. По толку многу години, ова е прв пат во Евролигата“, рече Атаман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
