Најдобриот фудбалер во историјата на Македонија, Горан Пандев во последниот ден од зимскиот преоден рок премина во редовите на Парма. Тој веќе го одигра и првиот натпревар за тимот изминатиот викенд на гостувањето кај Беневенто.
Натпреварот заврши без победник 0-0, а „гранде“ го одигра целото второ полувреме. Тој вели дека ја избра Парма бидејќи е тим со голема историја.
„Парма е тим со голема историја. Амбиентот во градот е прекрасен исто така и стадионот на кој ги играме натпреварите. Поради сето ова избрав да дојдам тука и среќен сум поради тоа“, изјави Пандев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
