Еден од најдобрите фудбалери во историјата на македонскиот фудбал, Горан Пандев ќе биде првиот Македонец кој на 13. јуни во Букурешт, на мечот против Австрија, ќе ја понесе капитенската лента на официјален натпревар на македонската селекција на европски шампионат.
Факт е дека со нетрпение се очекува дебитантскиот настап на Македонија на собирот на најдобрите на Стариот континент, од кој силна е вербата дека може да се направи и многу повеќе од само учество.
„Имаме тешка група со репрезентации како Австрија и Холандија со кои претходно сме имале лошо искуство. Но, со вистинскиот пристап кон играта, со еден добар настап и малку среќа верувам дека можеме да ја минеме групата“ – истакна Пандев во отворениот разговор со фановите преку платформата на „2вин“.
Околу тоа што по ЕВРО 2020, капитенот со став.
„Кажав и претходно дека размислувам за пензија затоа што и годините си го прават своето. Но, сега сум концентриран само на настапот. Најважно е да одиграме добро на историското прво учество на Македонија на ЕП, се друго е во втор план во моментов“ – вели Горан Пандев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
