Алексис Пантуро е победник на велеслаломската трка која утрово се возеше во италијанскиот ски-центар Алта Бадија. Французинот до победата стигна со вкупно време од 2:27.19 минути, што беше за седум стоти делови од секундата подобро од второпласираниот Норвежанец, Ати Лим Мекграт. Третото место му припадна на Жастин Муризие од Швајцарија кој доцнеше 24 стотинки зад времето на победникот.
Естер Ледецка беше најдобра на супервелеслаломот во Вал Д’изер. Чешката скијачка до победата стигна со време од 1:24.64 минута, што беше за три стотинки подобро од второпласираната Корен Сутер од Швајцарија. Подиумот го надополни Федерика Брињоне од Италија.
Утре во Алта Бадија мажите ќе возат слалом.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
