Кендрик Нант ќе продолжи да ги брани боите на Панатинаикос и во иднина откако Американецот начелно ги договори условите за нов договор со „зелено-белите“ од Атина.
Газдата Димитрис Јанакопулос не жалеше пари за да го убеди американскиот поентер да остане во ПАО, па така Нан ќе потпише тригодишен договор за плата од 4,5 милиони евра по сезона, повеќе од она што во моментов го зема најплатениот кошаркар во Евролигата, Саша Везенков во Олимпијакос.
Панатинаикос имаше само еден услов, во договорот да нема клаузула за преселба во НБА-лигата, на што Нан на крајот се согласи, со што грчкиот клуб успеа да го задржи својот најдобар кошаркар а дополнителни три сезони во своите редови.
Кендрик Нан сезонава има просек од 20,3 поени и 4,1 асистенции по натпревар, со што е еден од главните кандидати за МВП-признанието во Евролигата заедно со Ти-Џеј Шортс и со Саша Везенков.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
