Панатинаикос не мирува на трансфер маркетот додека ја чека одлуката за можен ангажман на литванскиот центар Јонас Валанчиунас со кој не сака да се раздели Денвер.
Трансферот на Литванецот е под знак прашалник, но голема е веројатноста дека атинскиот евролигаш ќе успее да стигне до потпис со уште еден кошаркар од НБА, Џавонте Грин.
Американецот со црногорско државјанство има богато искуство настапувајќи за Трст и Улм во Европа, како и Бостон, Чикаго, Њу Орлеанс и Кливленд во НБА лигата па негов ангажман би значело големо засилување за крилната позиција на која настапува Чеди Осман, но е проблематична со оглед на повредата на Мариуш Григонис.
Доколку дојде до ангажман, очекувањата се Американецот да заработи околку 500 до 600 илјади евра за една сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
