Партизан ќе мора да бара нов тренер за да ја доврши сезонава откако Зоран Мирковиќ вечерва си поднесе оставка од функцијата шеф на стручниот штаб, соопштија српските медиуми. „Црно-белите“ ремизираа за големото дерби со Црвена звезда, но потоа следеше домашниот пораз од Раднички Ниш надополнет со денешниот неуспех на дуелот со Вождовац (1-0).
По овој пораз Мирковиќ соопшти дека е „неопходна шок терапија за неговиот тим“, по што вечерва пристигнува и информацијата за поднесената оставка од страна на поранешниот фудбалер на „црно-белите“ од Белград.
Мирковиќ дојде на клупата на Партизан на 4 август, наследувајќи го Мирослав Ѓукиќ. Тој не само што ја загуби трката за титулата, туку и битката за второто место на табелата, со оглед на фактот дека Партизан во моментов заостанува дури 14 бодови зад Раднички Ниш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
