Претседателот на КК Партизан Остоја Мијаиловиќ се противи на влезот на тимот од Дубаи во регионалната АБА лига. Дубаи доби место во Евролигата од сезоната 2024/2025, благодарение на историскиот договор вреден 150 милиони евра.
Сепак, тимот од Дубаи веќе направи чекор кон влез и во АБА лигата, со оглед на влезот на јуниорската екипа во јуниорското регионално натпреварување.
Дубаи не би бил првиот тим надвор од поранешна Југославија кој ќе учествува во АБА-лигата, бидејќи веќе учествуваа Макаби од Израел, Солнок од Унгарија, Нимбурк од Чешка и Левски од Бугарија.
„Веќе имаме многу комплицирана ситуација, која им е позната на сите. Еден клуб со години прави проблем, иако гласаше за реформа на матичната компанија. Како резултат на тоа, лигата апсолутно не е регулирана и бизнисот е тежок. Влезот на нов тим во АБА лигата дополнително би ја искомплицирал и онака комплицираната ситуација во АБА лигата. Така, додека не се реши правниот проблем во АБА лигата, Партизан е против влез на Дубаи во лигата“, кажа Мијаиловиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
