Партизан не успеа да донесе вистински засилувања за заминатите Данте Ексум и Матијас Лесор па се мачи во новата сезона. Тимот предводен од Жељко Обрадовиќ е на скор 5-6 и во двојното коло во Евролигата го очекуваат два важни натпревари против Монако и Милано на кои српскиот стратег нема да може да смета на два кошаркари.
Тоа се Урош Трифуновиќ и Френк Камински, откри Обрадовиќ на денешната пресконференција за медиуми.
„Имаме доста проблеми уште пред натпреварот во Железник. Трифуновиќ и Камински повторно нема да бидат во тимот“, изјави српскиот стратег.
Добра вест за Партизан сепак е камбекот на капитенот Кевин Пантер кој веќе имаше и клучна улога во победата на „црно-белите“ во последниот евролигашки натпревар против Панатинаикос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
