Кошаркарите на Партизан забележаа нов пораз во Евролигата откако вечерва во драматичен меч загубија на домашен терен од Барселона со 79-87.
Домаќините подобро го отворија натпреварот и по првата четвртина имаа позитива од четири поени 23-19. Барселона одигра неверојатно во втората четвртина па на пауза замина со голема позитива од 35-49.
Во третиот период Каталонците во еден момент имаа и плус 23 (40-63), по што почна кам-бекот на домашниот тим. Партизан одигра неверојатно во следниот период па на една минута до крајот успеа да стигне до само минус еден (79-80). Следуваше тројка на Алекс Абринес за (79-83), по која Обрадовиќ мораше да го побара својот последен тајм-аут. И повторно во неизвесна завршница Ниликина промаши отворен шут за три, по што Барселона успеа да стигне до конечен триумф од 79-87.
Џабари Паркер со 17 поени беше прво име во таборот на победникот, додека кај поразените со ист број поени заврши Карлик Џоунс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
