Партизан си ја обезбеди првата победа во полуфиналето на АБА лигата, откако во првиот полуфинален меч во Белград славеше против Будуќност со 78-67.
Составот на Жељко Обрадовиќ убедливо ја доби првата четвртина со 27-16 и потоа успеа да ја одржи предноста до крајот на мечот.
Партизан играше „топло-ладно“ на мечот дозволувајќи му на Будуќност да анулира предност и од +15 поени во финишот на натпреварот, и да дојде само до минус четири (69-65). Но, „црно-белите“ не дозволија целосен пресврт и на крај дојдоа до сосема заслужена победа.
Најефикасен кај Партизан беше Ледеј со 15 поени, а Камински заврши со 13 постигнати поени. Кај Будуќност се издвои Макунду со „дабл-дабл“ од 14 поени и 12 скока.
Пласман во финалето на АБА лигата ќе обезбеди оној тим кој прв ќе дојде до две победи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
